martes, agosto 25, 2009

Anticristo, Lars Von Trier (I)

Anticristo de Lars Von Trier interesa case tanto polos seus danos colaterais como pola proposta estética e sobre todo intelectual que fai o director. Dende a súa estrea en Cannes contemplo desconcertada a proliferación de críticos que rexeitan o filme con tal virulencia que guindan ao lume toda a producción do director. Boyero, cal notable presidente dunha congregación para a doctrina da fe pronuncia o anatema que cegamente seguirán os críticos de provincias. Tomadura de pelo, provocación barata...que lo metan en un frenopático...esto es basura y, coma se o mesmo Demon Trier se lle metese dentro, non se corta, para cualquiera espectador normal es para darle una hostia ao autor directamente, vaia, vaia coa coa retórica de altura. Tolo o director e anormais os espectadores que segundo el sexan da súa parroquia. A vulgaridade e simpleza deste Boyero convida a guindalo tamén ao lixo mais non nos trabuquemos, que precisamente son estas declaracións as que nos axudan a decantarnos por unha ou outra sala en moitas ocasións seguindo o sentido contrario das flechas, claro. Ademais, para non sentírmonos completamente estúpidos por ter disfrutado desta grande película, velaí están outros tontos que tamén morderon o anzol como Vicente Molina Foix. Por fin alguén abre a fiestra e corre o aire, que case afogo entre tanta mala baba. E comeza o gozoso espectáculo de Anticristo. Arte, provocación, misoxinia, intelectualización da maldade, a pasión polo real, a natureza satánica, Ana Mendieta, Strindberg, El Bosco, a música, Goya, Tarkovski, terror xaponés, hardcore, xenocidio, xinocidio, son demasiadas cousas...to be continued...
Imaxe: El Grito, Edward Munch...antes de recibir o tratamento do Dr. Jakobsen

5 comentarios:

r.r. dijo...

Bueno, muller, pero deixe que falen, que ten que haber de todo... (xa sei que deixa, ¿eh?)
Por certo: as críticas de Boyero gústanme moito. Para ler, digo, non para facerlle caso sempre. Precisamente porque opina coas tripas, non se pon intelectual. É tabernario. Mola.

legnaresa dijo...

Unha merda pinchada nun pao!
Este jicho non é moi fiable. Nin e "von" nin é de "Trier". Ademáis non está habilitado para falar de nada pois os "depresivos" non sinten nin padecen. Non é católico e fomenta dogmas, non é muller (que eu saiba)e adícase os melodramas.Este tipo e idiota ou faino.

legnaresa dijo...

No Faro de Vigo de hoxe 07-09-09 MENDEZ FERRIN escribe sobre censura, Urteaga e von Trier http://www.farodevigo.es/opinion/2009/09/07/urteaga-e-von-trier/365630.html

Blogger dijo...

Did you ever try to maximize your free BTC collections with a BTC FAUCET ROTATOR?

Blogger dijo...

If you are looking to buy bitcoins online, PAXFUL is the best source for bitcoins as it allows buying bitcoins by 100's of payment methods, such as Western Union, MoneyGram, PayPal, Visa, MasterCard, American Express and even exchanging your gift cards for bitcoins.