jueves, julio 19, 2007

Antonia, de Marleen Gorris



Antonia, é unha película sobre catro xeracións de mulleres dun pobo holandés, logo da Segunda Guerra Mundial. Unha ollada feminina aporta unha visión nova da Historia. Segundo a directora, Marleen Gorris, as sagas familiares só se teñen presentado dende a mirada do home, o pai, o fillo, o neto, esquecendo incluso que é a muller a encargada de parir. A historia da Gorris agasállanos cunha chea de xentes con personalidades moi ricas e complexas, os hai racionais ao máximo (Dedos Torcidos, ¡que ledicia de home!, Teresa..), deliciosamente tolos (Madonna Tola), abominables (Pier, Labrego Dann), abertos e tolerantes (Antonia, Danielle...), e ata fellinianos (Olga). Antonia é o paradigma dunha sabiduría que trascende a realidade, é unha muller segura de si mesma e gábase desta capacidade extraordinaria para acadar a felicidade cando pasea a súa enorme dignidade por entre as xentes máis reaccionarias. Danielle, a filla, representa a liberdade sexual, a súa homosexualidade é plenamente aceptada pola súa nai porque sinxelamente non é cuestionada. A relación lésbica de Danielle coa mestra da súa filla preséntasenos dun xeito tan natural que nin nos decatamos da opción sexual da parella. Delicioso diálogo desta dúas mulleres sobre as propiedades, preparación e sabor da alcachofa. Antonia, a neta, unha intelectual, nena prodixio cunha enorme sensibilidade, e Sara, a herdeira de todo este fabuloso legado espiritual. Os personaxes masculinos, unhas veces despreciables, caso de Pier, o violador, pero otras veces caracterizados como compendios de bondade e comprensión, como o labrego Dann, que xunto con Antonia conforman unha das parellas más amabeis da historia. E outro personaje entrañable, Dedos Torcidos, un intelectual que vive retirado na súa choupana rodeado de libros de filosofía e ollando o seu entorno dende a sabiduría máis aterradora, a do que sabe que no hay deus, nin ceo. Tamén se cuestiona o papel das institucións tradicionais, sobre todo a familia e a igrexa.

Interesante actividade didáctica
Críticas sobre la película

No hay comentarios: