Algo + que apuntes, exemplo de blog divulgativo.

ALGO + QUE APUNTES é o primeiro blog de Rosa Álvarez, unha profesora de embrioloxía da Universidade de Vigo para quen o seu traballo é sempre un apaixoante tema de conversación. Hoxe tiven a ledicia de coñecer as súas primeiras incursións neste mundo virtual e sinto unha enorme satisfacción por ter animado un pouco este proxecto. As súas son aportacións interesantes non só polo contido científico senón pola súa capacidade para transmitir esa emoción polo saber que é tan gratificante de atopar. Aquí podedes coñecer a embrioloxía dende outros puntos de vista, libros ben interesantes, as novas máis relevantes, curiosidades (¿la virgen que parió a un tiburón?) e ata películas que nos achegan á ciencia por fermosos camiños. Tamén por esta vía coñezo o blog de Encarnación de Miguel Villegas, Divulgación y Ciencia, coas súas recomendacións de lectura científica, unha ledicia de espazos para disfrutar.

!Parabéns Mario!

Coñecín a Mario con motivo do conflicto laboral que tivemos parte do persoal da Universidade de Vigo porque nos fixo unha fotos impresionantes. Agora, paseando pola súa páxina descubro esta outra obra súa que quería compartir con vós.

Dedico este post a R.R. Veño de rematar coa lectura da súa obra Limpeza de sangue que ten moito que ver coa fotografía.

Beatriz Dacosta.

Beatriz Dacosta é a autora destes tres libros, e este o seu fermosísimo espazo. Coñecín a súa obra grazas á recomendación que me fixo o libreiro de Andel nunha das múltiples feiras do libro en que coincidimos. Xa hai tempo que sei por Fran Alonso deste blog, pero ata hoxe o rato non tivo a ben pararse neste paraíso gráfico e visual, non vos esquezades e engadide este novo enderezo aos vosos favoritos.

O blog de Saad Eskander director da Biblioteca Nacional do Iraque

Noutra entrada na que falaba sobre a destrucción de libros fixen referencia ao caso do Irak e a apocalíptica destrución da súa biblioteca. Agora parece que o director da Biblioteca Nacional dese país (...mellor dicir ou mellor dito, os seus restos) ven publicando un blog que podemos ler en castelán vía El País. Paréceme moi importante seguir esta fonte de información. Aquí vos deixo a ligazón.

SEGUIMOS PECHADOS....

(foto: rebelados)






















Xa vos teño informafo do conflicto que me ten ocupada estes días. Pois seguimos nela. Levamos xa 18 días de pecha e aquí non pasa nada.

O Reitor nas derradeiras declaracións á prensa como un autentico pasota "ese no es mi problema", o xerente segue de baixa e o seu amanuense, vicexerente en funcións chama ao comité de folga para pedir un adiamento da reunión na que tiña que presentar unha proposta porque di que quere facer unha cousa seria.

Si, para partirse de risa. Aos cidadáns ten que facerlles moita graza que este xerente que non xestiona cobre cada mes 7000 EUROS por levar dous anos negociando un convenio sen chegar a unha solución, ao mellor tamén lle pagan tanto por ser quen de manter no seu cranio privilexiado tódolos detalles dunha contabilidade que moitos non se explican (segundo un comentario neste blog nin o propio Consello de Contas da Xunta) dende hai tempo, en fin, máis do mesmo. A cultura do pelotazo non rematou coa entrada no trullo de Don Mario. A xente pensa que protestamos de vicio. Si, sobre todo os conserxes, auxiliares de servizos, bibliotecarios, auxiliares de deportes....porque para acadar as nosas prazas tivemos que superar procesos tan doados como ofertas dunha, dúas, seis prazas e competir con outros seiscentos, e cobrar 800 euros, e non poder promocionar, e ver como as nosas prazas se precarizan e ata pasan a chamarse "apoio ao campus", que é a forma políticamente correcta de dicir "hoxe aquí e mañá alí", e ata "hoxe aquí e dentro dun rato vas para alá", ou que os bibiotecarios fagamos de gardas de seguridade e teñamos que dicir NON cando nos pidan un libro e limitarnos a prestar folios, mandar calar, regular o aire acondicionado ou prender luces....para iso tivemos que aprender tantas normas ISO... iso sí, temos CERTIFICADO DE CALIDADE, que é o que mola e está de moda....Disculpade o cambio de tendencia no blog, en pouco prometo voltar a casa...

Derradeiras descobertas na blogosfera

Grazas a Catuxa que me liou no Econozco chego a Todas, un precioso blog feminino. É un espazo variado, divertido e rico en contidos.

Por Brétemas, o blogueiro máis productivo que coñezo, chego ao blog de Kilo Da Silva. Se cos debuxos xa nos cativaba agora temos a ledicia de contar cos seus textos e sobre todo cos comentarios da súa comunidade de amigos polos que chegamos a outros artistas e espazos relacionados con esta maravillosa arte da ilustración.

Temén hai pouco que coñezo a Cambote e o seu Cadelo de Paulov pero gústame o que escribe e sobre todo os recursos que nos presenta. Grazas a él coñecín a Nano.

Novo blog sobre a Web 2.0

Hai pouco tempo que apareceu o blog DosPuntoCero. Didac Margaix, da Universidade Politécnica de Valencia, o seu autor, presenta un espazo adicado á investigación sobre a Biblioteca 2.0 e á Web 2.0 en xeral. A xulgar polos contidos actuais vai ser un blog de seguimento obrigado para estar ao día nun tema que representa nin máis ni menos que o futuro da rede, e polo tanto de moito máis. Como ben sinala Didac, o feito de que a revista Time nomease a tódolos usuarios da Internet como personaxe do ano 2006 é xa un síntoma moi claro da importancia do asunto.

Interesante o video sobre a noticia (Vía DosPuntoCero)

A blogosfera hispana: Desmitificación

Ponencia de Jose Luis Orihuela presentada no Evento Blog 2006 en Sevilla. Gustoume esta biografía do fenómeno blog.

A Galipedia acada os 20.000 artigos

Este é o meu amigo Víctor traballando na Galipedia. É un dos colaboradores anónimos deste grande proxecto que medra día a día e que ven de superar os 20.000 artigos. Convídovos a visitar este traballo feito por persoas que dende o anonimato contribúen a espallar pola rede a cultura e a lingua galegas. Víctor e outros coma él non perden a paciencia malia os vándalos ideolóxicos e outros virus non só informáticos que pululan pola rede. Da gusto escoitalo falar tan apaixoadamente das contribucións de tanta xente que inviste o seu tempo enriquecendo o ciberspacio con este e outros proxectos irmáns como o Wikipedia Commons (repositorio fotográfico), o Galizionario, Wikisource, e tantos outros. A xa famosa Web 2.0 veu para quedar, así que botade unha ollada se aínda non sodes socios deste club. Por certo aínda non hai contidos para o tema da muller ¿a que esperamos?

Os blogs e a literatura en Tempos Novos

No derradeiro número de Tempos Novos Iago Martínez reflexiona en "Blogs e literatura. A ler a outra parte" sobre a relevancia do fenómeno do blog en Galicia e a súa relación co mundo literario. No que atinxe ao aspecto tecnolóxico, os datos, unha vez máis, apuntan ao subdesenvolvemento galego no eido tecnolóxico, a pesares de terse triplicado o acceso á internet nos últimos seis anos. En canto á relación coa edición e a literatura o feito de que o número de bitácoras en galego coincida co de obras publicadas neste idioma (preto de dúas mil) non se debe interpretar, penso, como un sinal de alarma dende o mundo da edición tradicional. Non é cousa de sacralizar o papel, que diría Jaureguizar, pero é que non creo que se poidan facer comparacións entre medios que de momento teñen unhas características e fins completamente diferentes. Como tamén se apunta no artigo, o emprego do blog como soporte literario só constitúe unha parte mínima dentro do xa raquítico mundo da blogosfera galega (de momento, espero), e se miramos para horizontes máis amplos decatámonos de que esta nova ferramente é máis importante como complemento á creación que como soporte da mesma. De momento, as bitácoras con máis visibilidade na rede relacionadas coa literatura son iniciativa de editores, escritores noveis, lectores, etc. Os escritores consagrados que "bloguean" o fan sobre todo para dinfundir a súa obra.

Diario gráfico de Laura Ghorayeb

O DESCENDEMENTO DA CRUZ
O abandono do bloqueo é como o descendemento da cruz. Hoxe o Líbano queda libre do bloqueo ás 6 da tarde. Por fin liberados.
L.Ghorayeb 06 sep. 06

Aínda que admiro profundamente a estes debuxantes non sentiría nadiña que estes debuxos desapareceran se fose porque deixasen en paz ó Líbano. Hoxe temos un motivo de ledicia coa noticia do levantamento do bloqueo, mágoa que este país teña que sufrir durante tanto tempo o conflicto árabe-israelí que ademáis non parece que poida terminar nos próximos séculos. Sería preciso aplicar as derradeiras medidas contra a marxinalidade do infame Toni Blair e evitar o nacemento dos que seguramente van terminar sendo terroristas...

¡moita sorte ao Líbano!

Laure Ghorayeb

Estes debuxos son da artista libanesa Laure Ghorayeb. Permítome traducir os textos cos que acompaña os seus debuxos. No Líbano seguen a pasar cousas, pero os xornais non dan feito con tanta calamidade diaria que pasa no mundo. Por outra parte, moitas destas informacións que temos a sorte de atopar na blogosfera non nos chegarían, xa se sabe, as víctimas canto máis caladiñas mellor...

5 de septiembre de 2006
Do libro do Éxodo

CAPÍTULO: ATENTADOS CON BOMBA
O demo está á espreita, soupo mancar ho

xe, quixo ferir ao oficial Samir Chéhadé e matou a catro soldados que o protexían (á saída da estrada de Mmeylé _olman)
P.S. Chédahé é o principal instigador que deu información sobre a inculpación dos catro responsables inculpados no día de hoxe no asunto do atentado que custou a vida a Rafic hariri e súa escolta....

DÍA DO BLOG

A miña contribución ao Día do Blog.
Dos cinco que teño que destacar catro teñen que ser forzosamente para o recoñecemento a xente que dende os lugares dos terribles conflictos que teñen lugar nestes días, atoparon un tempiño para compartir co resto do mundo as súas vivencias.

1. O blog de Mazen Kerbaj, como xa teño repetido nos meus post foi unha descuberta apaixoante. O seu diario gráfico vai quedar grabado en moitos de nós por moito tempo. Destacan a súa expresividade e o seu persoal estilo de lembranzas picasianas. Que serva este día de celebración para que moita xente coñeza a este artista impresionante.

2. Laura Ghorayeb Tamén artista libanesa, pintora e poeta. O seu blog é tamén un diario gráfico sobre a guerra igualmente expresivo e conmovedor.

3. Hernan Zin, periodista, que nos estivo a contar dende Gaza as súas impresións sobre o eterno conflicto árabe-israeí. As súas palabras e fotografías acercounos cada día ás rúas, ás xentes, á desolación, á impotencia que se sente ante tanto crime.

4. Os bibliotecarios libaneses fixeron un blog para abrir unha canle de información e solidariedade sobre a situación na que quedaron as infraestructuras culturais do Líbano despos dos recentes conflictos.

5. Por último, e xa volvo para Galicia, unha recente descuberta. O blog Cartafol do Gardalivros, un espazo adicado ao mundo da información e das bibliotecas relacionado con Galicia. Interesantísimo e completísimo.

Bo dia a tódol@s blogueir@s

Líbano: Diario Gráfico de Mazen Kerbaj

Xa levo días recomendando a visita ao diario do debuxante libanés Mazen Kerbaj. Está a facer un valiosísimo traballo porque coa súa viñeta diaria consegue facernos partícipes do que ocurre no seu país. Alegreime moito de saber que hai un grupo de xente en Madrid que se está manifestando contra a guerra a través dos seus debuxos. Grazas Mazen e tamén a Laura, Nabil, Marc...polos vosos testemuños .

Novos blogs sobre bibliotecas.

(Fotografía de Candida Höfer)

020 Bibliotecología y Ciencias de la Información.
(Fonte: José Antonio Frías. Lista de distribución BibUniv sobre Bibliotecas Universitarias)

Cartafol de gardalivros
Biblioteconomía documentación e bibliotecas na Galiza.
(Vía Brétemas).

As bibliotecas do Líbano.
(Un blog pour les bibliothèques du Liban. La situation dramatique que vit le Liban depuis le 12 juillet 2006 a incité un groupe de bibliothécaires libanais et français à lancer un espace de...).
Aquí máis fotos de bibliotecas de Cándida Höfer)

Blogs sobre os incendios de Galicia.

A blogosfera segue a ser imprescindible para os que queremos achegarnos á realidade. No tema dos incendios, a rede volve estar á altura e permítenos coñecer moitos feitos que non teñen cabida nos medios convencionais. Se empregades o buscador de blogs de Google atoparedes moita información sobre o tema. Tamén podedes ver moitísimas imaxes e videos nos recursos de Flickr e You Tube. En ardegaliza.info atoparedes moita información tamén sobre o voluntariado.

Blogs Próximo Oriente. As bodas de Canaan, 2006.

Aquí tendes unha versión contemporánea das "bodas de Caná", ese capítulo da biblia no que Xesús foi quen de convertir a auga en viño. Os gobernantes de Israel, non os xudeus - non vou caer no erro de xeralizar porque ahí reside a principal causa destas guerras- celebran cada certo tempo este milagre. No ano 1996, celebrárono coa tristemente famosa operacion "Uvas de la Ira", na que convertiron en cinzas a máis de 100 persoas. Agora repiten a festa. Esta pasada noite, tamén fixeron a súa conmemoración. Convertiron en cadáveres a máis de 50 persoas, a metade nenos. Como pola nosa xeografía non se fala máis que de reconstrucción faciais ultramodernas, broncas dos curas ós políticos e do carnet por puntos, metínme na rede na procura de xente que me contase cousas interesantes do que me interesa agora, que é esta maldita guerra. No sitio blogginbeirut atopamos imáxenes do que está a pasar. Non deixedes de consultar o blog de Mazen Kerbaj, no que publica un diario de debuxos do que está pasando. A súa interpretación do que pasou esta noite é a que vos poño na esquerda da foto.

blog do día

Recomendable para os amantes do arte este blog

blogomillo

O pasado día 10 de xuño asistín á charla da profesora Ana Belén Fernández Souto sobre blogs culturais. Pareceume moi interesante o tema da blogosfa en Galicia, coñecida polo nome de blogomillo. Algúns dos blogs máis interesantes son: aduaneirossemfronteiras.org, blogaliza.org, arredemo.info, e máis...