crestomatía

Foto: Bauret

...non recapitulacion, non repaso nin recopilación, nada máis vulgar que o que hai que repetir por falta de imaxinación, non, nada de malos rollos nin de pailanismo profesional e político, por moito que custe desfacerse do innecesario, por pegañenta que sexa a teima por manter o status quo do discurso doado normalmente nacionalista ou progresista ou eminentemente académico, que aínda é peor. Non nada de eleccións de pacotilla e de loitas sindicais por arrabuñar unha sinecura mentras expulsamos á máis débil da cadea, que normalmente traballa sen contrato, cría dous fillos e mantén e coida un home e uns maiores, nada de dores cos que hai que convivir porque o di un neonato da ciencioloxía psicosocial adultarada por moreas de títulos en serie serocopiados en papel reciclado, nada de contos, só me quedo co bo, que é moito e esperanzador, quédome co sorriso reconfortante de Geles, coas sabias sentenzas de L., que ven de volta e non trae cara de susto, coas apertas de M., sí a que está a piques perder o seu posto de traballo por un capricho de alguén que non tivo as fotocopias a tempo, quedo coa súa ollada indisimuladamente suplicante, e quedo cos ollos azúis de A., e con B, que veu onte a quitarme peso e quitoume tamén algunha pena xa de paso, e quedo con X.A., que presume de min, mira ti, e con M.J., que me lembrou o aniversario ¡¡¡100!!! da nosa admiradísima Ángeles Santos, e quedo co doutor C.B., que ven de prometerme que xuntos poderemos co monstro, e quedo con R., que é toda ela unha alfaia, por dentro e por fóra, e que ademáis convidounos a un sushi dignísimo, e quedo con A., que está agora tomando un grolo celebrando o seu nove en socioloxía, e quedo con I. que disfruta dos agasallos coma unha meniña, e con A., con A. sempre, pola inconmensurabilidade da súa paciencia e polo seu arte que cada día é máis alucinante...e...quedo sen folgos de tanto que teño que celebrar por esta semana que dou por rematada, porque mañá marcho por cinco días a mollar os nocellos na praia de Caneliñas....¡¡¡boa fin de semana a tod@s!!!