¡pois iso!

déixovos a banda sonora máis acaída para unha boa reflexión colectiva, na rúa of course!

En Vigo PROHIBIDO, en Canarias PERMITIDO, en Madrid PROHIBIDO, en Baleares PERMITIDO, en Valencia PERMITIDO...en Cataluña CON CONDICIÓNS, ¿cal é a lóxica de todo isto?

Claro que non saben de política, claro que están mal organizad@s, claro que teñen demasiada educación e de revolucións non saben absolutamente nada, claro que son inxenu@s, pouc@s, moi nov@s a maioría, e doadamente manipulables, claro que son populistas, indocumentad@s, y ata pode que totalitarios como di algún resentido, e velaí está precisamente o que me admira deles, o feito de que malia ter sido criados, educados ou entretidos con todo tipo de trebellos que o mercado do ocio non parou de discurrir para atontal@s de todo, malia todo non saíron nada parv@s, non, ao revés, foron quen de saír á rúa e quedar e durmir no chan onde a cidadanía tiña amoreada toda a dignidade roubada. ¿e seremos tan miserables de non aproveitar esta grande oportinidade de agarrarnos ao únicos que berran polo rescate da pouca democracia que sobrevive entre tanta corrupción e roubo institucional? ¿parécevos lóxico que por unha visita do papa este país se poña patas arriba e se ocupen rúas e se monten acampadas en absolutamente todas as prazas e que agora se nos prohíba a medio centenar de cidadáns sentar pacíficamente a reflexionar colectivamente?