¡ ¡ ¡ Salvemos Toralla e o noso litoral ! ! !

Via Culturagalega.org

"A Vicepresidencia da Xunta de Galicia reclamará ao Ministerio de Defensa a titularidade pública da Illa de Toralla por razóns de "utilidade pública e interese social". Defensa xa desafectou a illa de usos militares. Pola súa banda, o colectivo Xogo Descuberto convocou para o sábado 8 de setembro ás 18:00 h. unha marcha na ponte da illa de Toralla, en Vigo, para "reinvidinca-lo uso da illa por parte de todos e todas e manifestar a nosa repulsa ás construccións feitas nela".

Paréceme incrible e vergoñento o caso Toralla. Unha vergonza múltiple: unha fermosa illa en mans privadas e co seu entorno totalmente contaminado con este espantoso edificio. Aínda lembro cando era eu unha fiel domingueira e como quedaba abraiada perante semellante monstruosidade. Pero atención, non só as illas nos están vedadas ao humilde cidadán para un simple paseo, unha grande parte do noso litoral semella xa en mans privadas por aquilo do uso e costume ao que tan ben se adaptaron algúns turistas. Dígovolo porque o pasado "guikend" estiven na zona do Grove, concretamente na fermosa praia do Carreiro e quedei pampa ao observar como uns galos (e non me refiro ao becho) que saíran dunha enormidade de chalet tiñan tomado todo o areal coas súas miserabeis pertenzas, un iate, un par de lanchas para achegarase cómodamente á costa, unhas taboas de surf ancladas no medio da praia e nonseicantos trebellos máis. E logo os berros que metían, ¡Moguisse fien isi silvuplé! ¡ooooh mon die quil e fgrua delo! ...e así ata que me cansei e os mandei calar ao estilo jalejodaría. ¡e logo seremos nós os que berramos no canto de falar...! ¡quen me mandaría a min marchar da superpoboada praia de Caneliñas onde malia non caber un guisante disfrutabas da intimidade de ser un anómino entre a multitude e podías divertirte co Who is Wally e vir meterme nunha idílica praia do Grove coa intención de non escoitar nada máis que os bicos das olas! Ao marcharmos, o confeso, non aturaba máis ter que escoitar por pelotas, con perdón, a estúpida conversación polo celular da Paris Hilton que os franchutes deixaron na praia ao coidado dos xoguetiños. E por si non me credes, aquí vos deixo unhas fotiños do maravilloso día. Con todo vos recomendo moito todas estas praias.

¿E QUÉ VOS PARECE ESTO?

¿decatádevos do curioso fenómeno que ten lugar nestra fermosa praia de Portonovo? (preme nas fotos para velas a maior tamaño)

Esta é a fermosa praia do Carreiro con algunhas das "pertenzas" dos galos.

Este e o iate dos galos...¿teremos nos algún anaco de area na Côte d´Azur, algunha praia "dos galegos" no país veciño?